يـــ بحر ــا

السلام عليكم

اختارت ابيات شعرية عن البحر واختارت لها صور اتمنى تعجبكم

يابحـر .. فينـي مـن الحـزن.. كثـر مافيـك ..

يابحـر .. فينـي مـن الحـزن .. كثـر مافيـك ..
من حزن .. وأوجاع .. وغياب .. وغرايب !!

لاتلومـنـي إلـيـا شفـتـنـي .. دايـــم أجـيــك ..
ولاشفتنـي دايـم .. عـلـى الـشـط .. ذايــب !!

حزني كبير .. أكبـر مـن حـدود .. شاطيـك ..
وأقسـى مـن جــروح الـزمـان .. العطـايـب !!

وإن كـان تنشـدنـي فـأنـا .. مـقـدر أخفـيـك ..
دايـم اظــن .. ويطـلـع .. الـظـن .. خـايـب !!

فـي هالزمـن .. أقـرب حبايـبـك .. يشقـيـك ..
إلـيــن تـدفــع فـــي غــــلاه .. الـضـرايــب !!

من بعـد هـذا .. يبتعـد .. عنـك .. ويجفيـك ..
ماكنه .. بجنبك .. قضـى الوقـت .. طايـب !!

وإلا .. الـخـوي الـلـي تـوقـعـت .. يـفـديـك ..
يفـديـك عـمـره .. لاغــدت بــك .. نشـايـب !!

صد .. وتصدد .. مايبي .. سمع .. طاريك ..
وياما .. أنت .. دونه .. أتعبتك .. الطلايب !!

لاتقـول لـي .. بـدري .. وتـوك .. ويمديـك ..
وتعـال .. وأسمـع باقـي الهـرج .. صـايـب !!

خلـك بحالـك .. وأطـلـب الــرب .. يهـديـك ..
ولاتنشد اللي غاب .. ويـن أنـت .. غايـب ؟؟

وإن شفتني غايب .. عن حدود .. شاطيـك ..
أعرف تراني .. تحت .. ذيـك .. النصايـب !!

وأعرف تراني .. دايم إن ضقـت .. بآجيـك ..
لأني .. أنا .. والموج .. صرنـا .. حبايـب

يا بحر بسألك ليش أمواجك الليلة تعاني

أنت مثلي يا بحر قبل أمس فاقد لك حبيبه؟

انت متضايق عشانك ولا متضايق عشاني
اسألك بالله قلي يا بحر ايش المصيبة ؟

ولا اقول أسكت وأنا بحكي عن اللي لك خذاني
ببتدي معك الكلام وكل ما عندي بجيبه

تذكر اللي لا لفتتني بشر القلب المعاني
تذكر اللي كلها حب وغرام ونهر طيبة

تذكر اللي صوتها تشتاق له حتى المواني
كل ميناء يسأل الثاني إذا طوّل مغيبه

تذكر اللي في كفوفي تشعل الدنيا اماني
تذكر اللي نورها سود الليالي تقتدي به

تذكر اللي سلهمتها تقلب الساعة ثواني
تذكر اللي عطرها حتى طيورك تحتفي به

تذكر اللي علمتني كيف اروّض هالمعاني
كل ما مرت عليّه رحت للشعر انتخي به

تذكر اللي كل صبح تمرني باحلى تهاني
صار كل العمر عيد وصارت اقرب من قريبة
أدري اني من سببها كاسرٍ خاطر زماني
وادري اني اول انسان إنكسر خاطر نصيبه

وأدري أن ربي اخذ مني مثل ما هو عطاني
وادري ان الغالية راحت رضى ماهي غصيبة

بس اقول الله كريم وعمر كل الناس فاني
والمكان اللي خلا من زولها وش ينبغي به

مدخلك بالله قلي حط نفسك في مكاني
وش تسوي يا بحر لا صرت فاقد لك حبيبه؟؟